في صباح يوم جديد
يارا صحيت من النوم وبصت حواليها شويه لحد ما أدركت المكان اللى بقت عايشه فيه وافتكرت اللى سيف عمله معاها بعد الحب اللى حبتهوله دا كله ..
قامت ولبست حاجه وخرجت لقت معتز قاعد بيفطر وشكله نازل
يارا بتوتر:انت نازل
معتز ببرود:ايوا نازل
يارا بتوتر :طيب انا ممكن انزل علشان عندى شغل
معتز بنفس البرود:تؤ انسي الشغل والكلام دا
يارا بصدمه وعصبيه:قصدك اي بالكلام دا
_قصدي انتى فاهماه كويس
_يعنى انت عاوز تلغى شخصيتى
_لا شخصيتك موجوده وكل حاجه بس مفيش شغل لما نتطلق اشتغلى براحتك ..
_طيب أنا هنزل بقى وعند فيك ..
لفت وشها ولسه هتتحرك لقت اللى بيشدها من ايديها وبيوقعها على. رجليه..
يارا اتصدمت ومعتز بصلها بخبث …
يارا بصدمه:معتز !!اي اللى بتعمله دا
_مراتى وحر اعمل اللى عاوزه
_لا احنا جوازنا على ورق بس مفيش الكلام دا وانت قولت كدا امبارح