يارا وصلت البيت وخبطت محدش كان بيرد ومعتز كان معاها ..
يارا:هى ماما راحت فين
معتز بصلها بعدم فهم:معكيش مفتاح
_لا
_طيب وسعى..
_هتعمل اي
_هكسر الباب
بعدت شويه ومعتز كسر الباب بكل قوته ويارا دخلت وللاسف ملقتش امها ..
وفي نفس الوقت جه السواق اللى تبع سيف
_يارا يا بنتى
_اي يا عم عبده في اي حاجه حصلت لست هانم
_لا يا بنتى بس امك في المستشفى وسيف بيه اللي بعتنى ليكي..
_اي!؟
يارا جريت ووراها معتز وركبت معاه وطلعوا على المستشفى..
كان قلبها واجعها وخايفه على امها اللى ملهاش غيرها في الدنيا بعد ابوها قلبها مش متعلق غير بيها خايفه
تخسرها ،بمجرد ما قال إنها في المستشفى دموعها مش مبطله نزول…
وصلت المستشفى وسألت عليها وكانت زي المجنونه..
شافت سيف جريت عليه..
_فين ماما ماما مالها ..
سيف بصلها وبص لمعتز وحس بالغيره نوعا ما ..
_احم أهدى يا يارا امك الناس لقوها في الشارع مغمى عليها وكان المكان قريب من شركتى وانا كنت لسه واصل