حتى انت يا معتز انا مفتكرش انى شوفتك قبل كدا ولا كلمتك أنا اساسا معرفش شكلك انا معرفش غير اسمك وبس …
بعدت عنه وبصتلهم كلهم :أنا اسفه انى هقول الكلام دا بس انتو حقيقي مش أهلى ومتستحقوش اللقب دا ومش عوزا اشوف ولا واحد فيكوا في طريقى تانى فاهمين ..
وسابتهم ومشيت
ولسه شهاب هيتحرك وراها وقفه صوت معتز التحذيري:مكانك يا شهاب
بصلهم:اللى هيرفع عينه بس فيها أو يكلمها مش عاوز اقول أنا ممكن اعمل اي أنا هسيبكوا تتفاجئو فاهمين ..يلا
كل واحد يروح يشوف هيعمل اي يلا غوروا من وشى..
هزوا رأسهم وكل واحد راح يشوف هيعمل اي ومعتز بص في أثر يارا بحزن شديد!!
يارا كانت ماشيه متعرفش تروح فين ولا تسأل مين كانت عماله تتلفت حواليها لحد ما لقت عربيه واقفه قدامها..
يارا وقفت بخضه لكن اتحولت ملامحها لما شافت أن اللى في العربيه معتز..
معتز ببرود:اركبى اوصلك بيتك ..
يارا بنفس البرود:لا أنا مطلبتش منك توصلنى ولا طلبت من حد فيكوا أنا كل اللى عوزاه تبعدوا عنى..
معتز نزل ووقف قدامها بكل هدوء:مش علشان انقذتك منهم يبقى انتى مش غلطانه لا أنتى غلطانه وبالجامد اووي بس انا مش عاوز اجى عليكي لانك زي ما بتقولى ملقتيش حد جنبك وانا خلاص رجعت ومش هسمح بحاجه زي دي تحصل ولا أن حد يجيب سيرتك بكلمه..