كاميليا بألم وخوف هي الأخرى :ارجوكي يا تيته.. اسمعي كلامي وانا هفهمك ع كل حاجه بعدين دا مؤقت وهنرجع تاني
(تفتكروا هترجع تاني فعلا 😅😃)
جدتها بقلق: طب قومي معايا افردي رجلك ع السرير عما اعملك الاكل وحاجه سخنه تشربيها واجبلك دوا
كاميليا بألم :ماشي يا تيته
***
الليل كان قصير بس طويل ع كاميليا اوي معرفتش تنامه وخايفه طول الوقت من ليل وبتفكر في رد فعله دا شخص همجي اكيد مش هيسكتلها ع ال عملته دا
لازم امشي من هنا انا وتيته بأسرع وقت
اشتد عليها ألم ساقيها فتناولت مسكن وغلبها سلطان النوم في النهايه من شده تعبها
…. في النهار
كانت كاميليا وجدتها بيجهزوا الشنط وكاميليا عماله تستعجل فيها
الجده بضيق :لو تقوليلي بس فايدته ايه ال بنعمله دا وليه
كاميليا بقلق :يا تيته قولتلك هفهمك.. بعدين امان لينا اننا نمشي من هنا
الجده :امااان؟.! من مين؟؟
الباب خبط كاميليا انتهزت الفرصه وراحت تفتح عشان تقدر تهرب من اسألتها
كاميليا بتوتر :اا انا هشوف الباب دا اكيد البواب والتاكسي ال طلبته زمانه وصل