كان يسند نور ويقف مع إحدى افراد الأمن : اسف والله بس فكرت ان مافيش حد لسه هنا لان الكل كان مشي… الانسه نور بخير
كريم : ولايهمك ي مروان تسلم هي بقت احسن
اوصلها امام سيارتها سندت ع باب السياره
تفحص هيئتها : هتعرفي تسوقي
نور : مش كل مره تلكك بحجه عشان توصلني… متخافش انا مش سكرانه يعني
ضحك وهو يبتسم ابتسامه بسيطه ليردف بجديه : بتلكك بس… دا انا متعشم في اي فرصه زي دي تجيلي وانا امسك فيها عشان تفضلي قريبه مني
نور بتنهيده : ااحح مش عاوزه اقول عليك لفظ كدا مش هيعجبك لان لسه معتذره منك… وفكرتي عنك انك شخص محترم متتغيرش
كريم : اي علاقه دا بفكرتك عني؟؟
نور بترقب : والله… يعني مش حاسس باي غرابه في أفعالك او كلامك
كريم : لاء… اي الغريب فيهم..
نور وهي تشير سبابتها بوجهه : انت عارف كويس وبلاش اللف واللعب دا عليا… وعشان تريح نفسك انا اخر واخده ممكن تفرق معاها حركاتك دي
كريم اغلق باب سيارتها بحده : حركات ايه؟؟ انت بتفسري ع مزاجك؟؟