فتح الباب : ادخلي
كاميليا وقفت بتردد
ليل فهم نظراتها : ادخلي انا مش جايبك هنا احبسك
كاميليا دخلت وهو قفل الباب
تأملت المكان جيدا بعينها كان الأثاث رائعا مع ألوانه الراقيه والجميله للغايه
عندك هدومك جوا لو حبيتي تغيري وفي اكل في المطبخ كل ال هتحتاجيه هتلاقيه موجود عندك…
واتاقلمي مع حياتك دي لانك هتفضلي هنا علطول
كاميليا التفتت اليه برهبه وخوف : يعني ايييه؟؟. انت مش هتحبسني هنا لوحدي تااني؟؟؟
مسح دموعها : ششش متخافيش والله ما هسيبك لوحدك ولا هحسبك تاني….
كاميليا
انا جايبك هنا عشانك انتي مش عشاني…. بعدتك عن القصر وعن امي وجبتك هما عشان ترتاحي…
قولتي انك عاوزه تمشي واديني مشيتك اهو…. ملكيش اي حجه ااو اي كلام بعد كدا او اسمعك بتقولي هسيب البيت وامشي دي تاني
كاميليا بتوتر : وليه فارقه معاك اوي كدا رغم انتي متأكده انك مش هتخليني اروح
ليل بجديه وصدق : عشان عاوزك انتي…. عاوزك تكوني انتي ال مختاره وراضيه مش تخليكي عشان انا بجبرك ع كدا.؟ انا فعلا مكنتش هخليكي تخرجي يا كاميليا من الفيلا
حتي لو مكنتش موجود انا امرت الحراس انك ممنوع تخرجي لاي سبب كان….
نفسي اقدر في يوم اديكي الثقه دي وانا مطمن…. مطمن لتفكيرك وافعالك…. انتي في بيئه خليتك تسمعى اكتر لل حواليكي وتخليهم ياثروا عليكي…
انا مش عاوز كدا…. انا عاوزك انتي…. بشخصيتك انتي بقراراتك انتي…. وقتها انا هحترم رايك ورغبتك
كاميليا بتلقائيه : وقتها امتا
ليل : لما احس انك نضجتي
كاميليا : ودا لو حصل هتخليني امشي
ليل : برده لا