بالفعل رامي عما فاق وركب عربيته معدتش لاقي اي أثر ليها
ع مسافه بعيده عن شركه ليل
نور وقفت العربيه ونزلت وهي بتنهج َوايدها دي بتترعش كانت مفكره ان رامي دا حرامي وعاوز يخطفها بالرغم انها حاسه انها تعرفه وشافته قبل كدا بس ما
افتكرتش فين وامتا
لاقيت جمبها سوبر ماركت نزلت جابت ميه وعصير وخرجت وكل ال شافوها ملاحظين هيأتها المرهقه والمجهده والقلق لسه باين ع ملامح وشها
دلقت الميه كلها ع وشها وبعدين نشفته بمناديل وشربت شويه من العصير عشان تقدر تسوق عربيتها تاني
ومشت وهي مجاش بالها ابدا ان ممكن ال حصلها دا ليه علاقه ب كريم….
****
رامي صفع باب العربيه ومسح ع وجهه بغضب ف دي المره التانيه التي تضيع منه فرصه انه يعرف حاجه عن كريم
قرر انه ميقولش اي حاجه لعدنان او ليل ورجع تاني الشركه طلع عند روان
روان باستغراب : اي رجعك بسرعه كدا
رامي : روان انا عاوز اسم البنت ال كانت واقفه هناك في الخناقه دي
روان : اي بنت بالظبط
رامي بضيق : ال كانت بتتخانق مع الزفته التانيه دي يا روان
روان باستغراب : انت عاوزاها ليه
رامي بانفعال : يعني تعرفيها ولا لا
روان باحراج : اه اعرفها ثواني جلبت له تلك الورقه التي سجلت بها سما رقم هاتفها واعطته ل رامي ظنا منها بأنه يتحدث عن سما وليست نور
دا رقم تليفونها سابته ومشيت
رامي حس بغلط انها سابت رقمها هنا ليه بس متكلمش واخد الرقم
روان : هي سابته عشان عاوزه تقابل ليل بيه لأنها جتله اكتر من مره هنا ومعرفتش تقابله ف كانت عاوزاني ابلغها اول ما يكون موجود
رامي بشك اي علاقه البنت دي ب ليل وليه عاوزاه اصلا في حاجه مش مفهومه
بس اتكلم بجديه : ماشي يا روان شكرا
روان بحزن : العفو
***
مايان زعقت ليل وطلعت تجري ناحيه الباب بس ليل عرقلها برجله فوقعت
مايان ببكاء وخوف : انا ماليش دعوه بحاجه ومعرفش حاجه ارجوك سييني امشي
ليل اقترب بعض الخطوات حتى دني منها : غيرتي رايك بالسرعه دي كدا ليه دا انا باخد وادي معاكي ودا مش من طبعي