مايان صاحت بزعيق وغضب : نعم يا اااا اااختي؟؟ مييين؟؟
نور : اهدي يا مايان وانا هحكيلك
مايان بعصبيه : تحكيلي ايه هي دي لسه فيها حكايه اصلا مال سما ومال ليل يا نور
نور بغضب : سما بقالها مده مش مظبوطه وعماله تسأل عنه وشوفت قبل كدا صور ليه عندها كتير دايما بتقعد معايا سرحانه ع تليفونها اخر مره لاقيتها بتقلب في فيس ليل بتتفرج ع صوره
مايان بغضب : يا بنت ال ***** وربنا ما هسييها
نور بغضب : اهدي وبطلي الاندفاع بتاعك دا هي كدا كدا مش هتعرف تعمله حاجه
مايان بعصبيه : وانتي عاوزاني اسيبها يا نور لحد ما تعمله حاجه… كل حاجه بقت باينه خلاص الزباله دي سابت خطيبها عشان تتلزق في ليل وشكلها مخططه لكدا كمان بس انا ال كنت نايمه ع وداني
نور : ممكن تهدي بقا الناس ابتدت تبص علينا
انا كلمتك عشان نتصرف بهدوء يا مايان العصبيه دي مش هتعمل اي حاجه
مايان قعدت وهي بتنفخ بغيظ ووشها احمر من الغضب
****
مي بنرفزه وعصبيه : ست زفته دي كمان مش بترد عليا من الصبح ليه
والله يا كاميليا لأخليكي تغوري في اي داهيه ومحدش يعرفلك طريقك بس بعد ما ابعدك عن عين ليل الأول….
رنت عليها كمان مره بس بدون رد
بس اتصدمت وتنحت مكانها لما لاقت رساله مكتوب فيها : معلش كاميليا مش هتعرف ترد عليكي الوقتي
*****
ليل بصوته الرجولي الحاد : انتي ساعه عشان تردي
مايان : معلش يا ليل مخدتش بالي من الفون… مالك انت متعصب كدا ليه