ليل بحده مقاطعا : كنتي بتجسسي علينااا
انوار بتوتر وخوف : والله لا ابدا دا انا بس كنت قلقانه ع الست هانم من الصبح ومعرفتش انام غير لما اجي اطمن عليها
ليل بشك : وهي قالتلك اي الصبح
انوار بتوتر وكذب : م مقلتش بس كان ش شكلها مرهق وتعبان ش شويه
ميرفت بغضب : روحي انتي يا انوار الوقتي
انوار : ح حاضر يا هانم
ميرفت بصت ل ليل بغضب : موضوعنا مش موضوع انوار الوقتي يا ليل انا عاوزاك تعرف اني مش هسمح ان حفيدي هيجي الدنيا ودي ال تكون امه انت فاهم
ليل بحده : اظن دي مراتي انا ودا هيكون ابني دي حاجه تخصني وترجع ليا في الاخر
ميرفت بحده : لا طبعا وترجع ليا انا كمان انت مش خايف ع منظرنا قدام الناس وانا حتى مش عارفه اي حاجه عن البنت دي ولا انت جايبها منين… دا انت ع الاقل معلمتش فرح وعرفت الناس انك متجوز… منظرنا قدامهم هيكون عامل ازاي الوقتي…. الموضوع دا لازم يخلص وينتهي يا ليل لانه غلط من الاول
ليل : عندك حق
ميرفت بصدمه : بجد
ليل : كان لازم أعلن جوازي منها من الاول
ميرفت بصدمه : انت اتجننت … انت بتقول ايه
ليل بسخريه : تصبحي ع خير يا ميرفت هانم
*****
مايان : انتي ازاي عاوزاني اخرج مع البنت دي تاني
نور : مايان هي اعتذرت منك وقالتلك مش قصدها خليكي انتي الكبيره بقا وتعالي اسهري معانا زي كل يوم