كاميليا بصدمه :تيته انتي مصدقاه
الجده :مش دا الراجل ال شغاله عنده
كاميليا وضربات قلبها زادت :هو
الضابط :لو سمحتي تتفضلي معايا دلوقتي لان الباشا الكبير مستنيكوا هناك
الجده :روح يا ابني واحنا هنتصرف
كاميليا بعصبيه :نتصرف في ايه انا مش راحه في حته فاهم ال انت بتقوله دا تخاريف
الضابط بخشونه :اسف دا هيسبب مشاكل ليكي وليا ف الأفضل يا مدام تتفضلي معايا بالذوق وياريت تحلوا مشاكلكوا بينكوا وبين بعض مافيش داعي للمحاكم وتعبنا احنا اتفضلي
كاميليا خافت اوي لما لاقيته بيتكلم جد ومصمم ياخذها معاه مش عارفه هتروح ع فين ولا ايه ال مستنيها
وخايفه ع جدتها معقوله هتسجن….!
كاميليا شافت انه لا مفر ولازم تروح معاه
باستسلام :خليكي يا تيته انا هروح معاه
الجده مسحت دموعها :مش هسيبك هاجي معاكي واشوف الراجل دا عاوز منك ايه
كاميليا خافت اكتر وباست راسها وحضتنها :عشان خاطري خليني هنا واقغلي الباب عليكي كويس وخدي بالك من نفسك وانا هرجعلك تاني يا تيته متخافيش
الجده ببكاء من قلقها ع صغيرتها :ربنا معاكي عشان كدا مش خايفه عليكي في امان الله ورعايته يا نور عيني
كاميليا مشت مع الظابط ع مركز الشرطه…
***
كاميليا نزلت وهي خايفه ومرعوبه والدموع في عينها من المناظر ال عماله تشوفها والمجرمين ال في القسم….
معقوله هتكون في وسط دول علطول
غمضت عيونها وهنا دموعها نزلت لما افتكرت الجمله دي