احمد : بفكر اهاجر و لا اقولك انا اخطف سحر و تبقي معايا و ليا لوحدي تب أتصدق فكره تب و الله حلوه
محمد : هتخطف مراتك يا معلم
احمد : عادي يا سطا عملوها كتير
محمد : لا إذا كان كدا مفيش مشاكل يالا نفكر في الخطه
احمد : يالا بينا
عند سحر
ام سحر بانهيار : ابوس ايدك يا بني ابعد عن بنتي ابوس ايدك دا انا مصدقت أنها رجعت لي
معتز بحده : اخرسي انتي خالص بسببك ضاع كل اللي عملته و اكيد هنتقم منك و مش هسيبك ابدا
سحر بدموع : معتز ماما ملهاش دعوه انت عاوز ايه مني…..ارجوك سبني و ابعد عني ووعد مش هبلغ عنك
معتز وهو حاطط السكينه علي رقبتها : بالعجل كدا يا سحورتي نسيتي حبي ليكي و تقولي لي أفرط فيكي بالساهل كدا لااااا يا سحر انتي ملكي انا ايوا ملكي انتي ليا مش لغيري انتي فاهمه
سحر بدموع : افهم بقا انا عمري ما كنت ملكك و لا هبقي ملكك أنت ليه مش قادر تفهم اني متجوزه و بحب جوزي
معتز وقد بدأ يعورها بالسكينه في رقبتها : لو مبقتيش ملكي في الدنيا مش هتبقي لغيري هقتلك و اقتل نفسي
ام سحر بدءت تصرخ باعلي حسها و سحر رقبتها بدءت تنزف
سحر بوجع دموعها زادت و معتز كان بيعيط علي عياطها