لاني مكنتش مرتاحه له حتي اني انا ضربته بالفازه علي دماغه لما حاول يتعدي حدوده معايا لغايه ما دكتور زميله هو اللي كشفه وهو اللي اتواصل مع ماما و رجعني ليها مكنتش فاكره حاجات كتير و أشخاص كتير بس لما وقعت في الطياره حسيت أن انا بداءت إفتكر و لما نزلنا كلمنا اسلام و هو اللي قال لنا علي انك اتجوزت مكنتش مصدقه
يا احمد كنت حاسه ان قلبي هيوقف لمجرد التفكير انك هتبقي لغيري مش قادرة اوصف لك شعوري وقتها
شهقت سحر بدموع
قاطعها احمد بحضنه ليها : انا جانبك و مستحيل ابعد عنك او اسمح لحد أنه ياخدك مني
احمد معقبا بدموع : سامحيني اني مقدرتش احميكي مقدرتش انقذك من اللي بعدك عني بس انا هحميكي مش هسمح لحد أنه ياخدك مني مهما كان هو
اسلام : جرا ايه يا جماعه اهدوا كدا وصلوا علي النبي
الكل : عليه افضل الصلاه والسلام
اسلام : اهم حاجه أن انتم بخير…. يالا احنا تستأذن احنا نسيبكوا ترتاحو شويه
محمد : عندك حق بس هنجي بالليل و نسهر كلنا سوا
سحر : اكيد تنوروا في أي وقت
سحر وصلتهم هي و أمها و بعد ما خرجوا
ام سحر : انا هخش انام شويه في اوضتي امبارح كان يوم صعب علينا كلنا
سحر : تمام يا ماما
ام سحر : اقعدي يا بت مع جوزك طمنيه شكله قلقان خالص فهميه أن معتز خلاص مستحيل يرجع تاني لأنهم قبضوا عليه في الرياض و أن انتي جانبه خلاص محدش هيبعدكوا ربنا ليه حكمه في كل شئ يمكن يكون حصل كل دا علشان تعرفي معزتك عند جوزك و هو يعرف قيمتك و انتي تعرفي قيمته ربنا يهدي سركم يارب و يخليكم