-أقصد أن عاصي بيشتغلنا كلنا ، وعامل لعبة سخيفة مقابل بس ياخد عقد التنازل منك ، وأراهنك بأيه البنت دي لا مراته ولا هي حامل من أصله !
راق لها ما سمعته من أختها ولكن سرعان ما بد على وجهه الانزعاج :
-لالا أنتِ متعرفيش عاصي ، وكمان واضح أن البنت عاجباه ووراها مصلحة كبيرة عشان كدا اتجوزها !
ضربت جيهان على ساقيها بنفاذ صبر ؛
-بردو بتقولي اتجوزها ! خلاص معاكي اتجوزها ! نسكت له ؟! نجيب بنت منعرفش أصلها من فصلها تشيل الجمل
بما حمل !
توقف عقل عبلة عن التفكير ولكنها أصغت كُليًا لأختها ،و التفتت إليها باهتمام :
-قصدي متديش الفرصة لعاصي ينتصر عليكِ ! هو أه اتجوز بس متجوزش البنت اللي على مزاجك ؟! يبقى مفيش عقد ، ولا تنازل ، ويورينا بقا هيسيطر على السوق ازاي ؟!
شردت للحظات ثم قالت :
-طيب والحل !
تحمست جيهان بإلقاء قنبلتها الموقوتة وقالت :
-الحل تحطي شرط جواز هدير بنتي قصاد تنازلك عن نصيبك !
ثم مالت إليها بدموع مزيفة :
-البنت بتحبه يا عبلة ، وهتحافظ على ماله وبناته ! بدل الجربوعة اللي جايبها من الشارع ، اسمعي مني عاصي