••••••••
في سيارة عاصي الفارهة متجهًا إلي اجتماعه بالوفد الأجنبي ، يجلس يسري أمامه ويقول :
-عبلة هانم كلمتني أمبارح ، وسابت لمعاليك رسالة .
عاصي بفضول
-خير ! عايزه أيه ؟!
-بتأكد على معاليك وبتفكرك بمواعد حفلة بكرة !
قفل عاصي جهاز الحاسوب متأففًا :
-دماغي مش رايقة لدلع عبلة هانم !
يسري بمكر أكمل :
-المهم أنا اطقست وعرفت سبب إصرارها الرهيب على حضورك الحفل ، خاصة لما ربطت دا بكلامها معايا .
طالعه عاصي بعيون منتبه ، فأكمل يسري :
-عبلة هانم هتحطك قدام الأمر الواقع في الحفلة وتعلن فالمايك أن عاصي دويدار هيختار عروسته ، شكل الهانم عايزة تفرح بيك !
رفع حاجبه منكرًا :
-واثقة أوي من نفسها عبلة هانم !
تحمحم يسري وأكمل :
-لازم تكون واثقة ، خاصة لما يكون دا شرطها الوحيد للتنازل عن حصتها عشان معاليك تمسك
مجلس الإدارة .
تفهم هنا عاصي خطة أمه وقبض على مربط الموضوع وقال ساخرًا :
-شكلها اتجننت !
نفى يسري سخرية عاصي واستخفافه بـ عبلة وقال :
-يبقي لسه معرفتش الهانم الكبيرة !
انفجر عاصي رافضًا :
-دا اسمه جنان ولعب عيال يا يسري !
قدم له يسري عُلبة التبغ ليهدأ وقال واثقًا من نفسه :
-وأحنا بنحب نلعب ، وبنحب نتسلى كمان !
عاصي بـ شكٍ:
-تقصد أيه !
يسري بثقة عارمة وهو يضع ساق على الأخرى :
-لقيت الحل اللي هيمسكنا عقد الإدارة ، ويخرجك من دماغ عبلة هانم للأبد من غير ما يأثر على
رفاهية معاليك !
يتبع….