-متخافيش كدا ، عاصي دويدار مستحيل يسمح لأحد حد يقرب من هنا !
زفرت بضيق وهي تقول بهمس :
-والله ما بقا غير سي عاصي دا هو الكابوس اللي في حياتي !
-طيب وطي صوتك عشان هنا حتى الحيطان ليها ودان !
شهقت شمس بخوف وهي تتساءل
-أنت سمعتني !
أومأ بالموافقة وأغمض جفونه لجزء من الثانية:
-متخافيش سرك في بير .
كان سبب اول ابتسامة ترتسم على وجهها منذ مجيئها إلي هنا ، تحمحمت بخفوت ثم اتبعت في
حماس وهي تقول :
-المفروض تقعد فالشمس على الأقل ساعة والجو تحت حلو أوي ، أي رأيك !
-والله لو هتعرفي تقنعي عبلة هانم بالكلام دا ، اتفضلي !
شمس بحيرة :
-يعني أيه ؟!
-ممنوع نزولي تحت !
-ليه؟!
-القوانين كدا ؟!
لم تقتنع شمس بما قاله تمـيم وقالت باعتراض :
-أنا هنا دكتورة ، وأنا اللي احط القوانين اللازمة للمريض بتاعي ، وعلشان كدا بقولك لازم ننزل تحت ، اتفضل من غير مناقشات كتير .