-كل نفس في القصر حد مشاركك فيه ، أسطول من الرجالة بتلف حولين البيت عشان يأمنوه ، رغم كدا عمري ما نمت ليلة مطمنة ! هنا كل واحد بيجري ورا حاجة مش عارف أيه هي ، بس بيجري .
شردت شمس بحديث عالية وقالت بألم :
-كنت دايمًا مفكرة أن الفقير بس اللي مش مرتاح ، بس طلع كمان اللي معاه فلوس مش عارف يشتري راحته .
ربتت عالية على كتفها وترجتها :
-أسفه على كلام مامي ، هي كدا دايما بتعدني عن أي حد أعرفه ، لازم عشان اعرف حد يكون من خلالها ، كلمي دي عشان بنت طنت فلانه ، وكانت النتيجة إني طلعت وحيدة من غير صحاب .
شمس بشفقه :
-هي أكيد خايفة عليكي !
-الانسان من حقه يعيش تجاربه بنفسه ! أحنا مش هنمشي نطبق على بعض نتيجة تجاربنا !
أيدتها شمس بالموافقة :
-عندك حق .
القت عالية نظرة سريعة على تميم وقالت
-أصدق مكان في القصر دا هو هنا ، الأوضة دي ، لما بحب اتعرف على الدنيا بشوفها في عيون تميم ، على فكرة تميم حد طيب جدًا ، مفيش داعي لقلقك وخوفك دا كله .
ثم ربتت على كتفها وقالت :