بعد محاولات كثيرة لمهاتفة ” عاصي” فـ أنتهت جميعهـا بالفشـلِ ، تأملت ” عالية ” لحمامة السلام التي ألقاها أخيها عليهم صباحًا ، وهي تؤدي مناسك الصلاة بخشوع وخضوع ، حتى أطالت شمس السجود وهي تناجي ربها أن ينقذها من الشبكة التي سقطت بها ، مرت دقائق طويلة حتى فرغت من صلاتها وقبل ما تبدأ في الأذكار تدخلت ” عالية ” بفرحة تضييء وجهها وقالت داعية :
-تقبل الله يا شمس .
نهضت شمس وثنت سجادة الصلاة وتبسمت إليها بعرفان:
-منا ومنكم يارب ، متعرفيش أنا ارتحت أد أيه ، مكنتش هعرف أنام من غير ما أصلي .
اخفضت عالية درجة برودة ” التكييف ” وقالت برقة:
-بفضلك أخدت حسنات أد كدا ، المفروض أنا اللي اشكرك .
جلست شمس على الأريكة بهدوء وأردفت بحب :
-دعيت لك على فكرة ، أنا وساجدة معرفتش أقول إيه ولا إيه لربنا ، بس اول حاجة افتكرتها كانت أنتِ، لإنك ادتيني الفرصة دي .
جلست عالية بجوارها وهي تربت على كتف شمس بإعجاب:
-أنتِ دخلتي قلبي وحبيتك أوي.
شمس بمدح صادق :
-وأنت كمان ، حاسة جواكي خير يقضي على كل الشر اللي فالعالم .
تنهدت عالية بسعادة بالغة وشكرتها بعيونها ثم أتبعت قائلة بنبرة يكسوها الحرج :
-اتصلت بعاصي كتير ، بس مردش ، شكله كدا مش جاي النهاردة .
برقت شمس بـ تيهٍ وأطلقت زفيرًا من الكللِ :
-طيب أنا أعمل أيه دلوقتِ ! وكمان لازم أوصل لحد من أهلي أكيد قلقانين عليـا .
نظرت إليها عالية بشفقة وأسف وقالت :
-سامحيني يا شمس ، والله نفسي اساعدك ، بس ما دام عاصي عمـل كدا يبقي الموضوع بينكم مش مجرد إيجار وبس ، ولو ساعدتك ومشيتك من هنا محدش هيتأذي غيرك .