احمد ، يمكن عمل حاجه زعلتها عالعموم طالما انت متمسك بيها حاول تغير فيها وترجعها لطبيعتها وتظهر معدنها الحقيقي
رامي ب ابتسامه ، هحاول لأن مفيش غير المحاوله وأكمل بحزن عارف انا اول مره النهارده امد ايدي عليها اول
مره اكون سبب ف دموعها رغم اني كنت بموت وانا شايفها مرميه قدامي ع الأرض وبتعيط بس قررت أظهر ولو جزء بسيط من القسوه عشان تفوق لنفسها
احمد ، ربنا يهديها ويعينك عليها
رامي ، اللهم امين قولي بقا اي حكايتك مع نور
احمد بتهرب ، بعدين بعدين يله عشان سلمي لوحدها واه متخليش مي تيجي عشان متغباش عليها
رامي بضحك ، لا يراجل اصل انا هسيبك تقربلها وأكمل بتحذير ملكش دعوه بيها تاني ولو غلطت ف انا اللي
مسؤول عن غلطها وكلامك يكون معايا انا فاهم
احمد ، تصدق خوفت يله ي اخويا ربنا يهديكم انتوا الاتنين
*******
بعد مرور شهر تحسنت حاله سلمي كثيرا وايضا شفي جرح احمد وأصبحت الاجواء بينهم هادئه نوعا ما
في بيت سليم كانت صفيه تتحدث مع سلمي
صفيه بحنان ، متزعليش مني ي سلمي لو كنت قولت حاجه وحشه فحقك
سلمي ب ابتسامه رقيقه ، ولا يهمك ي ماما انا عارفه انك بتحبيني وان كلامك كان بس عشان خايفه على احمد
صفيه ب ابتسامه ، ربنا يحميكي ويحفظك يبنتي بصي انا كنت عايزه اتكلم معاكي ف موضوع نور دا وكنت خايفه من رد فعلك