مؤمن : ماشى تعالى يلاااا ثم يشير إليها أن تصمت ويفتح الباب ويغلقه كأنهم خرجوا واستخبوا ورا الستارة ..
حور بتفتح عين واحدة تتأكد أنهم خرجوا : اوووف اخيراااا سينا راحت مع السلامة …البصلة دى طلعت بتعمل شغل عالى ..
مؤمن : فعلا بيعمل شغل عالى هههه…….
حور بصدمة : بابا !!؟… اااا دددد ……
مؤمن : ايه القط كل لسانك ….
حور بتمثيل التعب : ايه حصل يا ماما انا فين..
رجاء : يادى النيلة عليا وع خلفتى السودا …بقا تضحكى عليا يا مفعو*سة الرقبة …
حور: يا ماما مش عايزة اروح هناك …خليهم ينقلونى هنااا ..
رجاء : انا بعد ال انتى عملتيه ده انا متفقة مع ابوكى انك لازم تروحى هيربوكى هناك ..
حور : يا بابا مش انا بنتك الوحيدة ..مين هيشيلكم ويسمع كلامكم ويهزر معاكم ويضحككم لو انا مش هنااا ..
مؤمن : لا بالعكس هنرتاح لما تمشى ..يلا بقا اجهزى عشان تلحقى الباص ..ويغادر ..
رجاء : يابت شغلى دماغك هناك زى ما بتشغليها علينا وهتنجحى …وتغادر ..
حور : نينينننينييي فعلا محدش بيحس بالو*جع الا من به الم ..
ربنا يعينا ياااااارب انا هجبلهم الجلط*ة هناك لحد ما يرجعونى تانى البيت ..استعنا ع الشقا بالله
*****************
رجاء: خدى يا حوور دول حبة سندوتشات تصلبى بيهم طولك ودول شيكولاتة كمان اهو ..
حور : ماشى يستى ..رغم اننى كنت هتقمص بس الشيكولاتة ميتقلهاش لأ.. يلا انا همشى انا ..سلام ..
رجاء : ربنا معاكى يابنتى ويسمعنا عنك كل خير ويبعد عنك كل شر وولاد السوء ..