رجاء : ابوكى عايز مصلحتك يا حبيبتى…واحنا عارفين انك قوية وقدها…….
حور : يا ماما انا مش قدها ..انا ضعيفة دنا تخرجت من الكلية بالعافية وعشان هما كانوا عايزين يرتاحوا منى ….بالله عليكى حاولى تقنعيه يغير رأيه …
رجاء بيأس: حاولت معاه يا بنتى بس هوا مصمم ..توكلى على الله يا ضنايا وان شاء الله ربنا مش هيورينا فيكى حاجة وحش*ة. …….
حور وقد علمت انه لا فائدة من الحديث : خلاص يا ماما روحى أنا عايزة انام..
رجاء : بس انتى مكالتيش حاجة يا حبيبتى قومى كلى لقمة ونامى ..
حور : مش جعاااانة ..
تغادر رجاء وهيا تدعى الله ان يحفظ لها طفلتها من كل شر
*****************
ف فجر اليوم التالى
رجاء: يالا يا حور عشان تلحقى الباص……
حور : لا رد…….
رجاء بتحط ايدهااا على وش حور بتلاقيها مولعة ….
رجاء: يا مصيب*تى يا حبيبتى يا بنتى دنتى مولعة ….
مؤمن : تأخرتى ليه يا رجاء ..
رجاء : البت مولعة يا حاج… بلغهم انها تعبانة و تاخد اجازة .
مؤمن وقد رأى ابتسامة حور التى حاولت اخفاءها: اها وماله خلاص هقولهم حور مش جاية وينقلوها مكان قريب من هنا ..
رجاء باستغراب : ماشى يا حاج هروح اجيب كمادات ميا باردة عشان البت..