يحموها ويدربوها ازاى تحمى بلدها وتقف وتكون بميت راجل ..
رجاء : ال تشوفه يا حاج ..
حور بصدمة : ال تشوفه يا حاج !!! انتو هتمو*تونى ناقصة عمر،..عايزين تجلطو*نى انتو الاتنين ..
مؤمن : اتأدبى يا بت دى مش أخلاق ولا طريقة كلام ظابط..
حور : أنا اصلا مش عايزة ابقا ظابط انت ال جبرتنى على حاجة أنا عمرى ما حلمت بيها ولا كنت عايزاها…
مؤمن بصرامة: حووور الكلام فى الموضوع ده منتهى..واتفضلى على أوضتك حضرى نفسك عشان رايحة بكرا سينا ..
تغادر حور وهيا تدبدب كالأطفال…
رجاء: يا حاج البت مش هتكمل يوم دى بنتى وانا عارفاها هتموت ..
مؤمن : متقلقيش ليا معارفى هناك هيفدوها بعيونهم..بس عايزها تبقا شجاعة وتموت الجبن والخوف ال جواها ده ..هيا ذكية وقوية
بس خوفها من اللاشئ هيدمرها..ومش بنت مؤمن الزناتى ال يتقال عليها جبانة ..
**********************
حور وهيا رايحة جاية فى الغرفة : فكرى يا حور هتعملى ايه دلوقتي..انا مستحيل اروح أنا لو رحت همو*ووت يلهوو*ى حرام عليكم دنا
لسا صغيرة ومدخلتش دنيا ..طب اتخطب بس طيب يارب وبعدين اروح ..
رجاء : انتى بتكلمى نفسك يا حور تجن*نتى يا بنتى ………..
حور : واحد وعارف انه هيمو*ت كمان يومين عايزاه يبقا عاقل……