توقفنا لما اميرة خرجت من محل الحلويات وركبت عربيتها وفتحت علبة الجاتو وفتحت شنطتها ومدت يدها فيها وقالت لنفسها : راح فين بس يا انا حطها بيدي امبارح اهوه وطلعت الشريط من الشنطة وقالت بإبتسامة ماكرة : هو ده وأخذت حبية من الشريط الإسهال
وكسرتها حتت صغيرة علي قطعة الجاتو وبدأت تعمل كده لما خلصت آخر قطعة في علبة الجاتو وقفلت العلبة وقالت لنفسها : اخيرا وبتخطت الشريط في الشنطة وقالت باستغراب : ايه ده يا الشريط خلص أي يعني مش مشكلة ومشت
في بيت الدكتورة ملك
وبتلبس ملك الكوتشي عند باب الشقة قالت بصوت مرتفع : ماما يا ماما
وخرجت والداتها من المطبخ وقالت : ايه ياملك
ملك قالت بنرفزه : ليه ياماما مصحتنش بدري الساعة بقت تسعة
والداتها : انا قلت انك مش هتروحي المستشفى بدري علشان كده مصحكيش أصل انتي نادرا لما تسهري لو مش رايحه الشغل بكره
ملك قالت بإبتسامة : طيب سلام وفتحت باب الشقة
والداتها : استني امسكي دول
ملك : ايه دول
والداتها : دول ساندوتشات امسكي
ملك : ايه ياماما هو انا لسه صغيرة هبقي أخذ أي حاجة من كافترية المستشفى
والداتها : هو انا يعني مش عارفكي بتنسي نفسك في الشغل والاكل ده آخر حاجه تفكري فيها امسكي
واخذتهم ملك منها وبستها وقالت بإبتسامة : ربنا يخليكي ليها سلام
والداتها قالت بإبتسامة : مع السلامة وقفلت باب الشقة وراحت علي المطبخ