ونظر له جلال بحزن وبدون تعليق وخرج من المكتب ونزل وخرج من الشركة
ونظر له السواق وفتح الباب وبدون تعليق
وركب جلال العربية وعلي وجهه علامات الدهشة وقال لنفسه : هو ايه اللى بينه وبين سعد الناري علشان يقول كده
السواق : علي فين يا فندم
جلال قال بتفكير : ها علي الفيلا
السواق : حاضر ومشي
ووصل خالد علي الفيلا ودخل علي جوه ولسه طالع على غرفته بينظر بالصدفة علي شماله لقي جده وملك بيلعبوا شطرنج ودخل وقال بإبتسامة : مين اللي غلب
ملك قالت بإبتسامة : انا طبع
خالد قال بإبتسامة : وحضرتك ياجدي ماغلبتش ولا مرة
جده قال بإبتسامة : لا طبعا غلبت مرة واحدة بس وبعدين انا اللي بسبها تغلب علشان تعبانه
ملك قالت بإبتسامة : بجد ياجدي أقوله علي انت قولته لي اول ما نبتدي اللعب
حامد بيه قال : خلاص بقي ياملك امال زاهر فين
خالد قال بإبتسامة : وراه شويه شغل في الشركة
جده قال : خلاص نبقي نستنها علشان يتغدا معانا
خالد قال بجوع : بس يمكن يتأخر
جده قال : أي يعني نستنها
خالد قال بنرفزه : نستنها ايه لا يا جدي نأكل وخلاص ولما هو يجي يبقي يأكل ماشي
جده قال : لا هنستنها زي ما استنناك المهم عملتم ايه في البضاعة
ونظرة له ملك وقالت : ايه يا جدي ده مالك بتكلم زي الافلام كده
حامد بيه قال بضحك : ماهما بيتكلموا عن الحاجات دي كده في الأفلام المهم عملتم ايه
خالد قال بإبتسامة : مافيش ولعنا فيها انا هطلع اغير وأنزل
جده قال بإبتسامة : طيب
ونظر خالد لملك وقال بإبتسامة : مبروك علي فك الجبس ياملوكة
ملك قالت بنرفزه : شكرا
وطلع خالد علي غرفته وبدون تعليق
في الصعيد :
في مزرعة شوقي الناري :
ونظر شوقي في الساعة اللي في يده وقال بصوت مرتفع : يا سعد سعد
ونظر له سعد وراح وقال : ايوه يا جدي