واحد من الرجالة قال بقلق : مرشح نفسه في الانتخابات
صابر بيه: ووقعت التفاحه من ايده وقال بضيق : ايه مرشح نفسه ازاي مش هو في مصر
واحد من الرجالة قال : لا ما هو جيه امبارح وانا لسه شايفه دلوقتي راكب الحصان ومروح
صابر قال بضيق : ايوه انا كده فهمت جده هو اللي بعتله من مصر وخلها يرشح نفسه بيرد علي اللي حصل في القسم
فكري المسئول عن الدعاية بتاعته وقال بقلق : ليه هو ايه اللي حصل في القسم
ونظر له صابر وحكي له علي اللي حصل وقال بضيق : بس هو ميعرفش انا مين وأقدر اعمل ايه
فكري قال بقلق : اعذرني يافندم علي اللي هقوله لازم تتنزل عن الانتخابات المرة دي
ونظر له صابر وقال بغضب : انت بتقول ايه
فكري قال بقلق : انا المسئول عن الدعاية بتاعتك وعارف انا بقول ايه علشان حضرتك متعرفش من هو شوقي الناري وممكن يعمل ايه
وحضرتك بلي عملته ده فتحت علي نفسك النار
صابر قال بغضب : انت نسيت انا مين
فكري قال بخوف : لا يا فندم انا عارف حضرتك مين كويس بس شوقي الناري مش هيسيبك تاخد الدورة دي صدقني بدليل اللي خلي
حفيده يترشح وانا سمعت إن حفيده ده زيه
صابر قال بغضب : بس انا مش هتنازل وبعدين الترشيح هيبدا لسه بكره ويمكن يكون بيعمل كده بس علشان يوصلي الخبر ويبيني هو قدر يعمل ايه
فكري قال باستغراب : بيتهيلي لا بدل مخلي الرجالة تقول كده في البلد كلها يبقي حفيده هيترشح
صابر قال بغضب : احنا نستني لغاية بكرة ونشوف هيحصل ايه
فكري قال بقلق : ربنا يستر ويطلع الكلام اللي حضرتك بتقوله صح علشان لو ماكنش كده هيكون في مصيبة
صابر قال بغضب : لو ماكنش كده يبقي هو اللي اختار
فكري قال بقلق : تصبح علي خير
وسرح صابر بتفكيره في اللي حصل وبدون تعليق
ومشي فكري وعلي وجهه علامات الخوف وبدون تعليق
في الفيلا الناري :
ونزل سعد من علي الحصان وقال بصوت مرتفع : يا عم محروس ياعم محروس
وطلع عم محروس الجنايني من غرفته ونظر له وراح وفتح البوابه
ودخل سعد بالحصان وقال : امسك الحصان دخله الاسطبل
محروس : حاضر واخذه وراح علي الاسطبل
ودخل سعد الفيلا لقي سنيه الشغاله وقال لها : ماما نامت