خالد : لا مافيش حاجة بس استغربت لما قولته انك نزلت ومش عارف روحت فين وكلمتك اكتر من مرة بس تليفونك ماكنش بيعلق معايا
زاهر : يمكن
خالد : طيب أقوم انا اشوف شغلي
زاهر :طيب
في مكتب عصام حدوته
ومسك عصام هاتفه وبيتصل بنادر وقال : الووه ايوه يا نادر
نادر : ازيك يا عصام عامل ايه
عصام : الحمد لله كويس انت اللي عمل ايه
نادر : كويس الحمد لله
عصام :بقولك ايه عاوز اسالك عن واحد اسمه زاهر العشري تعرفه
نادر : إلا اعرفه ما انا اللي بعتهولك بس معرفش هو عاوزك في ايه بضبط
عصام : تعرف عنه ايه
نادر : شوف انا مش هقولك عليه غير كلمة واحدة
عصام باستغراب : ايه هي
نادر : انه محترم
عصام : محترم
نادر : اه
عصام : وانت تعرفه منين
نادر : أصل هما كانوا زمان ساكنين قصدنا بس بعد كده ربنا فتح علي جدهم ونقلوا
عصام : ليه جده بيشتغل ايه
نادر : هو من أكبر رجال الأعمال في مجال الإنشاءات والبناء في البلد أنت ماسمعتش عن واحد اسمه حامد العشري
عصام بدهشة : حامد العشري رجل الأعمال المعروف
نادر : آه زاهر بقي بيكون حفيده انت ازاي ماسمعتش عنه ده هو من أكبر رجال الأعمال دلوقتي في السوق
عصام :يمكن يكون سمعت عنه بس مش متذكر
نادر : هو مئليش هو عاوزك في ايه صحيح هو كان عاوزك في ايه
عصام : بكرة تعرف يلا سلام
نادر : ماشي سلام