سعد قال باستغراب : طيب وليه لا
جده قال : علشان حواديت زمان معتش تنفع بعد ما كبرت
سعد قال باستغراب : ليه بقي
جده قال بإبتسامة : علشان لو حكتهملك مش هتفرح فيهم زي ماكنت بتفرح زمان لما كنت صغير بس لو أنا حكتهملك دلوقتي هتقول ايه العبط ده كل حاجة في وقتها حلوه
سعد قال بإبتسامة : معاك حق يا جدي وغمض عيونه وراح في النوم
جده قال بإبتسامة : شوفت بقي الحالة بتقي في وقتها حلوه بس بعد كده ماتنفعش تنقال ولا ايه يا سعد وبينظر ايه ده انت نمت
وشال دماغه من علي كتفه وحطها علي المخدة وباس راسه ومد ايده وطفي النور ونام
في فيلا العشري :
في غرفة خالد :
خالد قال لنفسه بنرفزه : وبعدين بقي وحط المخدة علي وشه وشالها وقعد علي السرير ايه ده انا مش عارف انام ليه كل ده وملك زمانها دلوقتي نايمة مرتاحة وانا هنا قلقنا ومش عارف انام بسبب اللي حصل انا احسس اني اتورط علشان افتح صدري اوي ووافق
علي كلامها هي زمانها نايمة ومرتاحة وانا هنا قلقنا مش عارف انام طلعت ذكية مش زي ماكنت فاكر أما أحاول انام وقام تاني انا عارف نفسي مش هعرف انام وقام من علي السرير وطلع من غرفته وراح علي غرفة زاهر ودخل علي اطراف صوابعه ونظر ايه ده امال زاهر فين وبينظر أمامه لقي زاهر في البلكونه وراح له ونظر ايه يازاهر انت لسه منمتش لغاية دلوقتي
ونظر له زاهر وقال باستغراب : معقول انت منمتش لغاية دلوقتي انا كنت فاكر انك نمت من زمان
وقعد خالد قال بنرفزه : اعمل ايه عندي قلق وكله بسبب ملك
زاهر قال باستغراب : بسببها ليه عملت ايه تاني
خالد قال باستغراب : عملت ايه انت ماكنتش معانا علي السفرة
زاهر قال بتنهيد : لا كنت معكم بس كنت بفكر في الشغل
خالد قال باستغراب : معقول زاهر العشري هو اللي بيقول كده اللي الناس كلها بتعمله الف حساب لا انا مش مصدق
زاهر قال بتنهيد : ساعات ياخالد القلق بيكون صحي وقلقي مش خوف من حد
خالد قال بإبتسامة : اه ما انا بقول كده برده ازاي زاهر العشري يقلق من حد
زاهر قال بإبتسامة : انت بقي قلقنا من ايه لدرجة أنه طير انوم من عينك
خالد قال بنرفزه : انا حكيلك علي قول حاجة علشان تقولي اعمل ايه في المصيبة اللي جبتها لنفسي
زاهر قال بإبتسامة : وانا سمعك
وحكله خالد علي الموضوع وقال بنرفزه : قولي بقي اعمل ايه
زاهر قال بإبتسامة ماكرة : طلعت ذكية وراي فيها طلع مظبوط علشان تبقي تصدقني
خالد قال بنرفزه : لا زاهر هي صحيح ذكية بس مش معني كده ان رأيك فيها طلع مظبوط وهيجي يوم وهفكرك انها مش زي ما متوقعها
وقام زاهر ودخل وقال بنرفزه : طيب امال تسمي اللي هي عملته فيك ده ايه
خالد قال بنرفزه : مش مهم دلوقتي اللي هي عملته قولي اعمل ايه في المصيبة دي
زاهر قال بإبتسامة : ودي عاوز كلام لازم طبعا تنفذ كلمتك علشان احنا مابنرجعش في كلمة بنقولها