ياسمين قالت باستغراب : العفو
وراح عصام علي مكتب زاهر بيه وخبط علي الباب
زاهر بيه وقال : اتفضل
ودخل عصام وراح وحط الصور واليفطة علي الترابيزة وقعد ونظر له وبدون تعليق
ونظر له زاهر وقال باستغراب : ايه اللي انت جيبه ده
عصام قال باستغراب : دي الصور بتاعتك ويفطة من اليوفط اللي انا عملتها للانتخابات
زاهر قال باستغراب : وجبتهم معاك ليه
عصام قال : علشان تشوفهم وتقولي ايه رأيك
زاهر قال :طيب وريني
عصام قال : لا الأول فيه موضوع مهم عاوز اكلمك فيه
زاهر قال باستغراب : ايه هو
عصام قال : الشرطة النهاردة كانت عندكم في الفيلا صح
زاهر قال باستغراب : وعرفت منين
عصام قال : شوف بدل حضرتك قررت تتدخل الانتخابات لازم تعرف من الاول إن مافيش حاجة بتستخب
زاهر قال : تمام كويس اللي انت قوتلي من الاول هي فعلا الشرطة كانت عندنا
عصام قال : ما انا عارف وعارف كمان هي كانت هناك ليه وبعدين إنا مش بسأل حضرتك علشان تقولي لا انا بفهمك ان اي تصرف منك
هيقصر علي الدعاية الانتخابية بتاعتك علشان كده لازم تبقي فاهم الكلام ده من الاول
زاهر قال بإبتسامة : تمام بس الموضوع الحمد لله عده علي خير
عصام قال : ده صحيح بس انا متوقع إن هيكون في الانتخابات دي مشاكل كتير
زاهر قال باستغراب : ليه بتقول كده
عصام قال : علشان اللي بينك وبين سعد الناري
زاهر قال باستغراب : وعرفت منين إن فيه مشاكل بيني وبينه
عصام قال : انا لما طلبت من حضرتك إن أفكر وارد عليك ساعتها ماكنتش بلعب لا كنت بجيب عنك معلومات وبالفعل عرفت إن حضرتك وسعد الناري بنكم عداوة وسعد الناري شخصية مش سهلة وهو كمان نزل الانتخابات في الصعيد وقصده صابر الجمال
زاهر قال باستغراب : يا انتي عقور زي ما نادر بيقول عليك بس بقولك ايه انا اللي بيني وبينه مشاكل شغل مش اكتر ومحدش يعرف
الكلام ده
عصام قال : تبقي غلطان لو حضرتك فكرت إن محدش يعرف ده السوق كله عارف هو حضرتك نسيت أرض المحافظة اللي انت خدتها منه