جده : والله زي مابقولك كدا
سعد : ازي ده ياجدي هو صحيح القاعدة هنا حلوة بس برده مش لدرجة انك تقعد هنا طول اليوم
جده : هو يعني بره فيه ايه بالعكس هنا احسن من بره كتير علي الأقل هنا هدوء بس بره فيه دوشة والناس بتتخناق مع بعض
سعد : ايوه يا جدي بس انت برده لازم تشغل وقتك بقولك ايه ياجدي ماتنزل معايا الشغل تاني ايه رأيك
ونظر له جده وقال بغضب و بصوت مرتفع : لا مستحيل
ونظر له سعد وقال باستغراب : طيب اهدي ياجدي مالك فيه ايه هو حصل ايه يعني كل ده علشان قوتلك تنزل تاني الشغل
جده قال بإرتباك : ها لا أصل انت عارف اني انا كبرت علي الشغل ومن اللي حصل مع والدك انا معتش نفسي اشتغل تاني ونظر له سعد وقال بحزن : خلاص يا جدي اعمل اللي انت عاوزه انا كان قصدى اني اريحك بس خلاص لو انت مش عاوز يبقي خلاص انا مش هفتح معاك السيرة دي تاني بقولك ايه انت ماجوعتش
وسرح جده وقال بإبتسامة خفيفة : ها شويه
وقام سعد : طيب يلا نروح الفيلا نأكل وبعدين نبقي نجي هنا ماشي
جده قال بضيق : يلا
ومد سعد ايده لجده وبدون تعليق
ومشوا وخرجوا من المزرعة ورايحين علي الفيلا وبينظر له جده وقال بإبتسامة : سامع اسمك بيتقال ازاي في البلد
ونظر له سعد وقال : البركه فيك ياجدي
جده : علشان بس تبقي تسمع الكلام
سعد قال بإبتسامة : طيب
ووصلوا علي الفيلا ونظر لهم محروس الجنايني وراح وفتح لهم البوابه وقال محروس الجنايني لسعد بيه : مبروك ياسعد بيه علي
الترشح في الانتخابات
سعد : شكرا يا محروس
محروس : إن شاء الله هتنجح
سعد : ان شاء الله
ودخلوا الفيلا ورحوا وقعدوا في الانتريه
وطلعت مراته ابنه من المطبخ وبتنظر بالصدفة في الانتريه لقيتهم في الانتريه فاراحت لهم وقالت : سامع ياسعد اسمك بيتناده في
البلد ازاي طول منا في المطبخ وانا بسمعه
سعد : ومالك ياماما فرحانه كده ليه
والداته قالت بإبتسامة : امال يا انا هطير من الفرحة علشان ابني هيبقي عضو في مجلس الشعب