ودخلت خيرية ومعها الدكتور سليمان علي الانتريه
ونظر حامد بيه له وقام من جانب ملك وقال بخوف : تعال يا دكتور شوفها مالها حولنها نصحيها بس مش بتفوق
وراح الدكتور سليمان وقعد بجانب ملك وفتح الشنطة وبيكشف عليها
والكل بينظروا لها بخوف
وبينظر زاهر بدهشة واستغرب علي مايحدث أمامه
في المطبخ
متولي الطباخ قال : زاهر بيه وصل وشكل كده الموضوع مش هيعدي علي خير
صبحي قال : شكله كده مكنش يعرف حد
متولي قال : باين كده علشان لو كان يعرف ماكنش يزعق
صبحي قال : معقول خبوا عليه يتبقي مصيبة علشان هو مش بيحب الكذب ربنا يستر
متولي قال : ايوه ربنا يستر وتفوق البنت اللي بره وينقذها من عصبية زاهر بيه
ودخلت فتحية قالت : الدكتور سليمان جيه بره وبيكشف عليها
متولي قال : وهي لسه مفقتش
فتحية قالت : لا لسه
صبحي قال : وزاهر بيه عرف البنت دي تبقي مين
فتحية قالت : لا لسه معرفش ربنا يستر
في الانتريه :
وخلص الدكتور سليمان الكشف علي ملك وحط السماعة في الشنطة
حامد بيه قال بخوف وبقلق : خير يادكتور
ونظر الدكتور سليمان له وقال بإبتسامة : ليه القلق ده هي كويسة
حامد بيه قال بخوف : بجد يادكتور