هشام.
ذهب له هشام وقال بضيق: خير يا بابا
قال قاسم بغضب: ازاي يعني تعمل حاجه زي كده بدون علمنا انت فاكر نفسك بتلعب مش ده القرار اللي تاخده لوحدك او من دماغك.
قال هشام بتعجب: وهو انت شايف ان شهد مش مناسبه؟
نفخ قاسم وجنتيه بضيق وقال: انا مقولتش ان البنت وحشه بس تصرفك غلط يعني انت جيت تصلح الموقف بوظته اكتر من المفروض قرار ده يتاخد بعلمنا وبرضا اهلها مش يبعوها والدها ده راجل عديم الاخلاق وطالما لقي انك اخدت بنته بالشكل ده هيعملك
مشاكل عشان برضه ياخد فلوس وده غير انها مكنش ينفع تنام معاك في اوضه واحده غير بعد فرحكم والإشهار.
قال هشام: اومال كنت عايزني اتصرف ازاي في موقف زى ده وبعدين ده الحل الوحيد اللي جيه في دماغي وعشان يكون بعلم اهلها.
قاسم بغضب: مش بالطريقه دي في اكتر من حل…. ناديلي شهد يا مي.
ذهبت مي وأحضرت شهد اللي كانت ترتجف من الخوف وقالت بنبره مهتزة: ﻧ..نعم.
ذهب هشام ومسك يدها وهمس لها في أُذنها: متخافيش.
قال قاسم بنبره حاسمة: سيب إيدها وتعالي يا شهد ورايا عايزك.
ذهب قاسم نحو حديقه الڤيلا وهشام لم يترك يد شهد قالت له شهد برجاء: عشان خاطري سيب إيدي.
هز هشام رأسه نفيًا وأخذها نحو والده في الحديقه وقال: أهي شهد.
قال قاسم بحسم ولكن من داخله شعر بالسعاده انه لم يترك شهد تواجه والده بمفردها: وانا قولت عايز شهد بس.