غضب هشام من اسلوب والد شهد وقال: انت مش شايف بيتكلم مع بنتك ازاي؟! ازاي تسمحله
قال والد شهد بضيق: عريسها ويكلمها زي ما هو عايز حتي لو عايز يكسر دماغها يكسرها ده دافع فيها يعني هو حر.
اقترب هشام من والد شهد ولكمه علي وجهه وقال: تصدق انك راجل زبـالة. مسك يد شهد ومي وخرج من المنزل بأكمله وقال لشهد
ومي: روحوا اقعدوا في العربيه واقفلوا علي نفسكم كويس ومتخرجوش منها مهما حصل.
قالت شهد بقلق: هشام متعملش حاجه تأذي بابا او تأذيك.
اومأ لها هشام وتركهم ودلف للمنزل مجددًا انحني هشام حتي مسك فتحي وعندما مسكه من بذلته من الخلف وﺿرب رأس فتحي في
الحائط حتي نــزِّفت رأسه ثم تركه سقط علي الارض ولكمه بقدمه وبصق عليه وكان فتحي يتنفس بصعوبة سحبه هشام من قدمه ووضعه في غرفه واغلق عليه الباب واقترب من والد شهد عاد والدها للخلف بخوف من هشام ضحك عليه وقال: خد تعالي بس متخافش… اقترب والد شهد وهو خائف فقال هشام: انا طالب إيد بنتك شهد.
قال والد شهد بخبث: قول كده بقي ها هتدفع كام فتحي اللي برا ده دافعلي 100 الف انت هتدفع كام؟!
مسكه هشام من تلابيب ملابسه وقال بغضب: انت بتبيع بنتك بالفلوس يا حقير.
قال والد شهد وهو ينظر حوله في المنزل: زي ما انت شايف احنا ساكنين فين وحالتنا الماديه مش موجودة اصلا.
قال هشام بغضب: لو قاعدين في الشارع ومش لاقيين اللي تاكلوه متاجرش ببنتك غلى بنتك هي مش سلعه رخيصة تبيعها.
قال والد شهد بطمع: معني كده انك هتدفع كتير.
بصق هشام ف وجهه وقال: عايز كام؟!