نظرت شهد إلي الفتاة بحزن مصطنع: تؤتؤ عيب كده ازعل منك مينفعش تقولي كده لخطيبته.
نظر لها هشام بإبتسامه عريضه وقبل ان يتفوه احدهم بشيء صدح صوت هاتف شهد اخرجت هاتفها وكانت والدتها اجابتها بقلق وقالت: الو يا ماما.
سمعت شهد صوت صراخ والدتها وهي تقول: الحقي يا شهد ابوكي.
يتبع….
سمعت شهد صوت صراخ والدتها وهي تقول: الحقي يا شهد ابوكي.
قلقت شهد بشده وقالت: في ايه ماله يا ماما بابا
قالت والده شهد وهي تبكي: ابوكي تعبان أوي يا شهد
قالت شهد بلهفه: طيب يا ماما انا هشوف اول قطر واجي بسرعه.
اغلقت شهد الهاتف مع والدتها واقترب منها هشام ومي وقالت مي: في ايه يا شهد ماله باباكي؟!.
قالت شهد ببكاء: بابا تعبان أوي انا لازم اسافر دلوقتي.
تركتهم وركضت لخارج القاعه ركض خلفها هشام وخلفهم مي وصل إليها هشام وقال: استني بس في أي قطر دلوقتي تعالي هنسافر
بالعربيه بتاعتي.
لم تعترض وصعدت السيارة وجلست بجانبها مي وقاد هشام السياره وبعد عده ساعات كانوا امام وجهتهم فتحت شهد باب السياره وركضت نحو الداخل وتبعها هشام ومي كانت شهد تبكي وعندما فتحت باب المنزل وجدت والدها يجلس طبيعي ولا يبدو عليه أي تعب