شهد بنرفزة اكتر : هعلي وريني هتعمل ايه
ادم بعصبيه جري عليها ولسه هي هتجري منه مسكها و شالها و دخل الاوضه و رماها بعنف علي السرير لدرجه ان السرير انكسر
شهد بألم من ضهرها و دموع من خوفها : انت متخلف ضهري اتكسر
ادم قرب منها ………
يتبع….
ادم قرب منها بقلق وهو بيرفعها من علي السرير : انتي كويسه مكنتش اعرف ان السرير هيقع
شهد بدموع : أخرج برا عاوزة انام
ادم :طب تعالي في الاوضه التانيه هتنامي فين هنا
شهد بصتله و فجأه قعدت تزق فيه لحد ما خرجته برا الاوضه و قفلت الباب بالمفتاح و راحت قعدت علي السرير أو حطام السرير و
طلعت صورة باباها علي التلفون و فتحت في العياط
شهد : فينك يا بابي لو كنت عايش مكنش جرالي كل دا انا البرينسس شهد زي ما بتقولي شوفت بيعملوا فيا ايه بس وحياتك عندي مش هسكت ولا هخليه يقربلي زي ما اتجوزني غصب عني هخليه هو بنفسه يطلقني من اللي هعمله فيه ……..نمت بعد ما صدعت من
كتر العياط
____________________________
ادم
يا الله الموضوع صعب اووي يارب يسرها من عندك هي عنديه و مستحيل هعرف اروضها بسهوله هطلع عيني انا عارف بس علي قلبي زي العسل بس ازاي تبقي في بيتي و بيفصل بيني و بينها حيطه و مأخدهاش في حضني ديه حته من روحي أو هي كل روحي يارب الموضوع يعدي علي خير …….
قاطع شرودي لما تلفوني رن ولقتها طنط ماجدة بصيت علي شاشه التلفون بضيق ..
ادم : سلام عليكم
ماجده : و عليكم يا حبيبي عملت ايه