الدكتور: ايوة انتي سرحانة ومش معي خالص انا كنت بقول ايه
صراحه فعلا ما كنتش معاه و معرفش كان بيقول ايه سامر حس في كدة فنزل راسه و قالي الجواب و انا ما صدقت و قولته
الدكتور: احم تمام يا ريت تركزي اكتر من كدة
قعدت جمبه و بصتله بعيون فيها شكر هز راسه انه تمام و كان منتبه اني تعبانة خلصت المحاضرة و كنت بلم في كتبي حأمشي حطيت ايدي على راسي الدنيا بتلف فيا
سامر: انتي كويسة
اسراء : أيوة متشكرة
سامر : تحبي اوصلك
اسراء : لا متشكرة حركب تاكسي
سامر : يا بنتي طريق بيتك مش دايما السيارات بترحله وانتي واضح انك تعبانة
اسراء : أصل خرجت بدون ما افطر و المحاضرات كانت ورى بعض و ما كلتش
سامر: عشانك مجنو.نة
بصيت ليه باستغراب
سامر: احم اسف بس قصدي الدنيا مش طايرة و كان ممكن تاكلي اي حاجة عالسريع قومي معايا
اسراء : على فين
سامر : قومي بس
مشيت معه لقيته قعد في الكافتيريا و طلب اكل ما كنتش اعرف انه ليا وحطه قدامي
اسراء : مش حينفع بعدين انا تأخرت
سامر : ال٥ دقايق دي مش حتأخرك يلا كولي
بصيت ليه باحراج والصراحة كنت ميتة من الجوع