محمد : الله يسلمك
عند اسراء كانت متأكدة انه وجع قلبها انه حصل حاجة لحبيبها فضلت تكلمه لكن تلفونه كان بيرن وما حدش بيرد بعدها تلفونه تقفل كانت حتموت من الرعب كان أول ما ترن عليه يرد من قبل ما تكمل او رنة
يا ترى فيك ايه يا قلبي يارب يكون بخير يارب والنبي يارب قالتها اسراء و هيا تضع يدها على قلبها و تتنفس
بصعوبة من خوفها
تاني يوم راح عمر الشركة و كان يتمنى يلقيها لكنها ما كانتش هناك ضغط على ايدو و ضربها بالحيط
طب وبعدين اكلمها إزاي و اقولها ايه انا رنيت عليها الليلة و ما ردتش و لو كلمت اخوها حيشك طيب اطمن عليها
إزاي قالها عمر و هو يمشي في المكتبة بتوتر من جهة لجهة
بعدها نده وحدة بتشتغل معاهم في الشركة و طلب منها ترن عليها رنت اول مرة ما ردتش تاني مرة ردت اول ما سمع صوتها من المكبر مسك تلفون دينا زي المجنون و أشر لدينا تخرج
عمر : يعني مش بتردي عليا لكن رقم غريب ممكن
اسراء : لا والله انا اسفة بس كنت تعبانة
عمر : وازيك دلوقتي