رانيا بشر :شكلك بتحبها ،عموما انا فكرت فى كام حاجه ولو فى اضافة قولها ،وابتدت فى سرد خطتها
بااااااااك
رانيا بضحك :لا نبدأ الدراما مع خالى ومراتة وبعدها نلعب على الهادى ،ونزلت للاسفل لتجد العائلة متجمعة ماعدا نادر وميرا فإقتربت رانيا من خالها وعلى ملامحها الحزن فإنحنت تقبل يد محسن قائلة:انا اسفة جدا ياخالى وحقك عليا اعتبرنى عيلة صغيرة وغلطت
الكل اتصدم منها ومن تصرفها اما أسد فلم يرتاح لها كثيرا
محسن بحنان :اهم حاجه انك عرفتى غلطك وجيتى تعتذرى بس الاهم انك تعتذرى لصحاب الشأن
رانيا بضيق خفى :اكيد طبعا ،ونظرت لرنا واتجهت ناحيتها قائلة بأسف مصطنع : حقك عليا يارنا متزعليش وخليها عليكى يابت خالى
رنا بصدق:مش مشكلة يارانيا طالما عرفتى غلطك واعتذرتى انا مش زعلانه
محسن بإبتسامة :تسلموا يابنات انتوا مهما كان قرايب واخوات ومش مستاهله زعل وانتى يارانيا فرحتينى يابنتى انك عقلتى
رانيا وهيا تجلس بجوار محسن:ربنا يفرحك دايما ياخالى دا انت اللى لينا ،وانتى يامرات خالى حقك عليا وان كان على نادر هتأسفلة لما يجى من عند ميرا
أسد بغيرة خفية :نعم قصدك اية يعنى
رانيا بخبث:وانا هقصد اية يعنى كل اللى قولتة انو هعتزر لنادر لما يجى اصل وانا نازلة شفتة قاعد مع ميرا فى الجنينة فقولت اجى اصالحكوا لحد ماهو يجى واراضية هو كمان
محسن :فيكى الخير يابنتى وانت ياأسد بالراحة على بنت عمتك شوية
أسد فقد وصل لاقصى مراحل الغيرة فمهما كان يثق بهاوبأخاة الاانة عاشق متملك لاقصى درجة
رانيا لنفسها :سرقت قلبك ياأسد باين عليك الغيرة لية عمرك مافكرت فيا عموما مش مهم انت هتكون ليا بمزاجك او غصب وادى اول خطوة في خطتى نجحت
فى نفس الوقت دخلت ميرا ونادر وهما بيهزروا مع بعض وبيضحكوا وسكتوا لما لاقوا نظرات الكل موجهة ناحيتهم
نادر بإستغراب :اية ياجماعة التجميعة دى
محسن بهدوء :عادى يانادر رانيا بنت عمتك كانت عوزانا وأسد رجع بدرى فقعدنا مع بعض
نادر ببرود:وست رانيا كانت عاوزاكو فى اية
رانيا بحزن مصطنع :حقك عليا يانادر انا اعتذرت لرنا وسامحتنى انا عارفة انو غلطت بس انت عارف انو مليش غير امى وانتوا فكنت خايفة ياخدوكوا مننا وأكون وحيدة
رنا ببراة:متقوليش كدة يارانيا احنا كلنا عائلتك وبعدين يانادر انا مش زعلانه منها انت كمان سامحها
نادر بهدوء فهو لم يقتنع كثيرا:خلاص يارانيا الموضوع اتقفل وطالما راضيتى رنا يبقى خلاص اهم حاجه رنا وانتى كمان متزعليش منى
رانيا بحزن مصطنع :مش زعلانة دا حقك وحق مراتك وانا اللى غلطت ولازم اتعاقب
محسن :خلاص ياجماعة حصل خير ،عاملة اية ياميرا
ميرا بهدوء:تمام ياعمى الحمد لله
محسن بزعل :منتش عجبانى ياميرا كانوا لسة بيشتكولى من أهمالك فى اكلك وصحتك
نادر بهزار :لا متقلقش احنا قعدنا واتكلمنا…وبغمزة لها..وهيا شطورة وهتسمع الكلام
ميرا بضحك :هههههه طب بطل رزالة انت لية محسسنى انو انا عيلة قدامك
نادر بهزار وهو يضربها على دماغها :مش أوى بس ليا تأثير عليكى عشان انا شخصية طبعا ،وظل يهزر هو و ميرا والكل يضحك على طفولتهم
اما رانيا فكان نظرها مسلط على أسد والشرارات المتطايرة منة فقد كان ضاغطا على قبضة يدة ووجهة متعرق بشدة وأحمر ولكن مالفت انتباهها رنا التى تحجرت الدموع بأعينها وفركها فى يدها بعصبية
رانيا لنفسها : لالا حتى انتى يارنا بتغيرى ياحرام هتتعذبى شوية انتى وأسد بس نادر وميرا اغبى اتنين سهلوا مهمتى وأدى الخطوة التانية نجحت من غير مااتدخل لازم أكلم هشام واقولة على اللى حصل ،فأنسحبت بهدوء لغرفتها
اما أسد فشعر انة سيقوم بقتلهم جميعا لذلك فضل الذهاب لغرفتة بهدوء وقد لاحظت أمل غيرتة وعصبيتة اما رنا فإنسحبت للمطبخ لكى تهدء من نفسها فشعر بها نادر فإستأذن وذهب خلفها
أمل بغضب خفيف :ميرا فين أسد
ميرا وهيا تبحث عنه بعينيها:مش عارفه هو كان هنا
أمل بتصنع الهدوء:طلع ياميرا اطلعيلة
ميرا بجدية :هتلاقيه مشغول فى حاجه زمانة نازل