ميرا وهيا تلم أشيائها :تمام تقدر تتفضل وانا هاجى وراك
أسد بعصبية :ميرا فى اية وصلة التجاهل بتاعتك لسة مخلصتش
ميرا ببرود:أسد لو سمحت انا مقولتش حاجه للعصبية دى كلها
أسد وهو يجذبها من يدها لتصتدم بصدرة :انا عملت ايه لدا كلة انتى من أخر موقف بتتجنبينى
ميرا بغضب :اوعى ياأسد انا بكرهك وبكرة قربى منك
أسد بصدمة:انتى واعية بتقولى أية
ميرا بدموع :ابعد عنى انا تعبت من قربك دا مش عاوزاك ومش عاوزة قربك
أسد اتفاجئ من ردة فعلها وحزن بشدة فترك يدها والتفت مغادرا الغرفة والبيت بأكملة
ميرا اتضايقت من نفسها بشدة ولكنها تحاملت على نفسها وخرجت لغرفتها رافضة تناول الطعام اما أسد فذهب لمكان هادئ للتفكير وتريح رأسه حتى توصل لقرار التجاهل وظل بالخارج حتى منتصف الليل
انقضت عدة أيام فى هذا التجاهل فكان أسد يرحل صباحا قبل إستيقاظها ويرجع بعد نومها ولكنة لايعلم انها لاتستطيع النوم حتى تطمئن علية فكانت تجلس تنتظرة وعندما تراة يدخل الغرفة تمثل انها نائمة حتى تشعر انة نام بجوارها فتغمض عينينها فكان عادتة ان يقبل جبينها ويأخذها بأحضانة لينام بعمق وقد نسى أمر تلك المفكرة.
فى منتصف النهار في يوم كانت ميرا جالسة في الجزء الخلفى من الحديقة شاردة مثل عادتها حتى أتى نادر وجلس بجانبها
نادر :اللى واخد عقلك يتهنى بية
ميرا فاقت من شرودها قائلة:يارب
نادر بإبتسامة :لما انتى بتحبية كدة لية تعباة وتاعبة قلبك
ميرا ببرود :انا مبحبش أسد انا بكرهوا
نادر بخبث:بس انا مجبتش سيرة أسد ياميرو
ميرا وقد لعنت غباؤها وظلت شاردة
نادر:انا مش جاى اقعد مع الهواء
ميرا بضيق :نادر لو سمحت انا مودى زفت فأمشى عشان متضايقش منى
نادر بغلاسة:دا على اساس انو هسكتلك يعنى
ميرا بإبتسامة :تعرف انك طيب يانادر ودى ميزة متحاولش تزعل رنا عشان هيا بتحبك
نادر بإبتسامة :طب واللة أسد أطيب منى اصبرى علية وانتى هتشوفى وش تانى ،وبعدين ماانا عارف انو رنا بتحبنى بس بنت اللذينة مش عاوزة تعترف
ميرا بجدية:بس انا مبهزرش انت فعلا طيب وتتحب وياريت كان شبهك مع انكوا اخوات الا ان فى فرق كبير بينكوا
نادر بهزار:يابت بطلى قر على البت رنا واللة لاقولها انك بتعاكسينى
ميرا ابتسمت على رغم الوجع الموجود فى قلبها وشردت قليلا
نادر بتردد:ميرا أسد محتاجلك ميغركيش جو الوش الخشب اللى عملوا بس قلبة قلب طفل صغير حاولى تقربى منة وبجد هتشوفى الحنية على اصولها