نبيله: طيب روحي هاتيهم
دخلت أم مصطفى للمطبخ وقالت: أنا آسفه يا بنات نسيتكم خالص… تعالوا اقعدوا معانا بره
هدى: لا أنا مش خارجه إلا لما الحشد الي بره دا يمشي أنا بتكسف
close
أم مصطفى: طيب تعالي إنتِ يا منى إنتِ عارفاهم كلهم
منى بتلعثم: لا يا طنط احنا هنمشي أصلًا أ..أنا بس كنت عايزه أدي لمصطفى الهديه دي ممكن توصليهاله…
ابتسمت أم مصطفى قائله: طيب متوصليهاله إنتِ
سحبتها من يدها إلى الشرفه وهي تقول لهدى: عن إذنك ثواني يا هدى
ثم نادت مصطفى الذي أقبل قائلًا: نعم يا ماما
نظرت لمنى قائله: منى كانت عايزاك
ابتسم لمجرد رؤيتها، تركتهم وغادرت وهي تقول: هشوف خالتك بتنادي ليه
توترت منى وتلعثمت حتى أن الكلام أصبح ثقيلًا على لسانها، هربت منها الكلمات: ك..كل سنه وإنت طيب
ابتسم مصطفى وهو ينظر إليها: وإنتِ طيبه يا منى