تشعر بمشاعره، حمل مفاتيحه وهاتفه ليخرج من الشركه ويعود للبيت حين أضاء هاتفه برقم أحمد فأجاب قائلًا
-سيادة المدير
-فينك يا درش… محتاجلك ضروري
close
قال مصطفى:
-مالك صوتك شكله زعلان
تنهد أحمد بألم
-نفسيتي تعبانه أوي… محتاج أتكلم معاك
-طيب أنا كنت خارج من الشركه إنت فين؟
-أنا في المكتب تعالالي
__________________________
-قوليلي بقا مالك مش إنتِ هدى الي أعرفها في حاجه في قلبك
تنهدت هدى بألم وقالت:
-أحمد
ابتسمت منى قائله:
-أحمد!! مش فاهمه
هدى بأعين تائهه
-قلبي فيه أحمد… غلطت وبتعاقب… كنت بقعد طول الليل أبص في صورته… أو أسمع ريكوردات بصوته… اتعلقت بيه من غير ما أحس… ولما اكتشفت إني بغلط قطعت علاقتي بيه بس مش قادره أعيش حاسه إني ماشيه من غير روح