مقدمه
ما أشق مغالبة الهوى ولكن ما أعظم أجر مجاهدة النفس في هذا الزمان الذي كثُرت به الفتن واشتد فيه الأسى، تشوشت الرؤيه وازدادت مشقة الطريق على الغرباء “فطوبى للغرباء”.
&&&&&&&
“بقالي أسبوع بحاول معاكِ بالحُسنى بس الظاهر كدا إنك مش هتيجي إلا بالغصب”
قالها حمدى بنظرات تهكم، حاولت مروى الصمود وتظاهر القوة وهتفت بسخريه: غصب! إنت أصلًا متقدرش تعملي حاجه وأحسنلك يا
حمدي تبعد عن طريقي
أخرج هاتفه من جيبه وقال: بصي كويس للفديو ده عشان تعرفي إن أنا أقدر أعمل كتير أوي
نظرت للفديو وصرخت: يا حيوان…الفديو دا متفبرك!
-إثبتي إنها مش إنتِ! ودي أقل حاجه في الي عندي…. هنشرهم كلهم وشوفي بقا مين هيصدقك ويكدب عينه!
-حرام عليك إنت عايز مني إيه؟
أردف بشغف
-أنا عايزك يا قلبي…
-يا حيوان! حسبي الله ونعم الوكيل فيك
ابتسم بسخرية قبل أن يركب سيارته وقبل أن ينطلق بها نظر لها بخبث قائلًا: هكلمك ولو مردتيش عليا هيكون ليا تصرف تاني
ازدردت ريقها بتوتر وما أن غادر حتى تذكرت أن هاتفها مفقود، أدمعت عينيها ووقفت تندب حظها وتسب حمدي، لا تعلم ماذا ستفعل؟ ابتلعت غصة في حلقها وأكملت طريقها لتعود للبيت…
_____________________________