* اه يا حبيبتي فيه ايه بس احكيلي
-تبص فداء لباباها وتقول في نفسها نفسي احكيلك علي كل حاجه جوايا واشيل الهم اللي علي قلبي ده بس خافت علي ابوها ليحصله حاجه وخصوصا هو راجل كبير
بعد شويه تدخل الام ، مالك يا فدا يا بنتي وشك مخطوف ليه ،، هو زيد زعلك في حاجه ولا ايه
– تقرب فداء من امها وتحضنها بقوه ومش عارفه تاخد نفسها ،،، متسبنيش يا ماما انا خايفه قووي
* الام تطبطب عليها وتقولها متحفيش يا حبيبتي احنا كلما جمبك وبنحبك وحدش هيزعلك
بعد شويه الباب يخبط ويدخل زيد ،، انا جبت تصريح الخروج نقدر نمشي دلوقتي
في البيت زيد
وعلي باب الشقه ،، خشي يا عروسه برجلك اليمين
– لا بقلك ايه متعيش الدور وشيل كل حاجه من دماغك
: ايه هنبتدي فترة قلة الادب ولا ايه
– يعني انا قليلة الادب
: عاوزه الصراحه ولا اكدب
– لا ميهمنيش رايك اصلا
: طب ايه هنفضل واقفين كده علي باب الشقه ومش هندخل