فهد بصلها و مردش عليها و جيه يدخل الحمام لقى فيروز بتغسل وشها و بتعيط و اتخضت اول ما بصت فى المراية و شافته واقف وراها
فهد : انتى بتعملى هنا ايه
فيروز بكسوف و احراج: راحت عليا نومة أنا هخرج حالا
close
فهد : تخرجى فين سارة بره
فيروز بصوت واطي : و هعمل ايه دلوقتى أنا
فهد : خليكى هنا أنا هتصرف
خرج فهد لسارة
سارة : ايه ده لسه بالبدلة
فهد : اصل الحمام طلع بايظ عندى
سارة : بايظ ؟!
فهد : أيوة و كمان انتى طلعتى معايا الاوضة بس علشان كان فى معازيم و ناس لكن انتى اوضتك الاوضة اللى جنب ماما
سارة : بتهزر صح
فهد ببرود : لاء … تحبى اجبلك حد يساعدك فى نقل حاجتك
سارة : و منظرى قدام مامتك
فهد : انتى هتمثلى ما هى عارفة كويس انى مكنتش عايز الجوازة ديه
سارة خرجت من الاوضة و هى متعصبة جدا
و اول ما خرجت سارة من الاوضة فيروز خرجت من الحمام و جت تخرج من الاوضة