وقفت تستمع لكلام زوجها بصدمة غير مستوعبة
” يا ابني مراتي هبلة خام انا بشكلها في ايدي وحدة مالهاش تجارب يعني بكلمة بيغمى عليها بتصعبن شويا بحب فيها شويتين بتنسى كل الزعل … وبالسرير بكمل الدلع فتقع في غرامي اكتر وهكذا ما تقلقش عليا”
وائل : يعني انت ما بتحبهاش
شادي : اممم بحبها بس مش قادر اكتفي فيها بحب البيضة والسمرة والشقرة
وائل : ولو في يوم بعدت واتطلقت
شادي بقلق : مش حيحصل نفين بتاعتي لاخر يوم في عمري
وائل : اشمعني هيا من دون كل اللي عرفتهم
شادي : تعبتني سنة بجري وراها لما تشويت فقولت هيا
وائل : ههههه فكرتني في اغنية ترند هاليومين … طب اقولك
شادي بضحك وغناء : كانت غالية بس معايا هادية كانت صعبة بس معايا سهلة كانت جامدة بس معايا هادية
وائل : اديلوا يا شوشو نهايتك سودة
شادي وهو ذاهب للخارج : تؤ نهايتي بيضة اما تخلفلي بنت شبهها تربطها فيا العمر كله