نفين: بس انا عمري ما شوفتك غير اخ
عمر بتفهم ؛ وانا مش طمعان باكتر من كدة.. نفين صدقيني لو ما بقتيش ليا حموت بجد
نفين بلهفة : بعد الشر عنك ما تقولش كدة
عمر بابتسامه: انا حعد الايام عد اول ما العدة تخلص الفرح وكتب الكتاب بنفس اليوم وساعتها لو حتفضلي شايفاني اخوكي انا موافق المهم ليا انا
نفين : ان شاء الله
كان عمر يتفنن في اسعادها وجعلها تنسى كل ما مرت به … يشعر ان الايام لا تمضي بدأ يجهز شقته كما تحب بالالوان التي تحب ينتظر ان يتحقق حلم حياته
لكنها في عالم آخر لن تستطيع ان تراه زوجها تشعر انها ستظلمه ان عاشت معه لانها لن تستطيع ان تعطيه حقوقه لانها ستخجل ان ترفع حجابها امامه كيف ان يحصل شئ آخر
رحمة ببكاء ” بجد يا علي بتحبني
نظر لها طويلا وهمس : فوق ما تتخيلي ازاي ما كنتش اعرف اني بعشقك كدة
رحمة بابتسامه ودموع : انا تخيلت نفسي معاك في البيت وبالمركز ولما اتعين حاشتغل معاك بالجامعة
حرك أهدابه اكثر من مرة وقال : تتعيني ازاي ؟؟
رحمة بفخر : السنة دي اخر سنة واكيد الاولى زي كل مرة وحاتعين في الجامعة
شعر ببرودة في جسده وكأن احد يخنق به لماذا يشعر بأنه يموت … يحاول استيعاب ما تقصد هل دمر أحلامها .. هل سيكون السبب في ضياع مستقبلها شعر