” قامت من جنبي و دخلت اوضتها.. فضلت قاعدة جوا وبعد نص ساعة خرجت وحضرت الاكل
الاكل عندك اهو.. بالهنا والشفا
= مش هتاكلي معايا؟
close
لا انا تعبانة هدخل انام
” مسكت ايدها
فريدة مش هينفع انتي كمان تزعلي وتمشي ، انا دلوقتي معنديش غيرك
= ماهي دي المشكلة يا حسام.. انك بتلجألي بس لما يكون معندكش حل تاني غيري
والله مش كدا.. انا مقصدش
= عادي خلاص.. حتى لو تقصد
فريدة احنا مش صحاب بس.. احنا أكتر من كدا بكتير اوي.. احنا في يوم من الايام كنا هنبقا متجوزين
كنا يا حسام.. وطبعا انت فاكر احنا متجوزناش ليه
فلاش باك
حسام.. انا عايزة اقابلك ضروري
= بعدين يا فريدة عندي شغل مش فاضي
المرادي عايزاك بجد يا حسام
= خير
مش هينفع في التليفون
= ومينفعش موضوعك دا يستنا ل بكرا