هزت راسها وقالت
انا كنت بضحك عليك بثبتك يعنى لكن لما دخلنا في الجد واتفقنا انك فى مقام بابا خلص الكلام
ضحك فهد ومسكها من ايديها وقال
وفى بنت محترمه تقول ل بابا لا يصح الكلام ده يلا جهزى نفسك هوديكى مكان عمرك ما شوفتيه
ابتسمت ملك وقالت
اوعى تكون هتسافرنا عند اختك عشان تستلم الشركة ونفسخ العقد ده ونرتاح وانطلق
نظر لها فهد بغيظ وقال
تنطلقي مرة واحدة عايزة تروحى فين ايه حلمك
ابتسمت ملك وقالت
نفسي اجر شقة كدا او اشتري شقة واقدم فى ثانوى عامة واذكر ومفيش مانع اشتغل رغم عمى كان قال انى لي فلوس تكيفنى فترة التعليم نفسي ادخل طب أو حتى تمريض واكون كبيرة الممرضات
ابتسم فهد وهز رأسه بالنفي
لا انا اتفقت معاكى هاتغيرى حلمك وهنسافر ايطاليا وهتكمل تعليمك هناك عشان انتى هتكونى زوجتى يلا بقي عشان هنتاخر
نظرت له ملك وسألته
انت ليه عايز تمشينى من هنا انت شاكك أن الى حصل معايا بفعل فاعل زى الحريق صح
بلع ريقه فهد وحاول يهرب من الحديث