ردت عليها وقالت
انا زفت مين عايزنى
ردت ببرود اسماء وقالت
واضح القمر زعلان من حاجه على العموم انا اسمي اسماء اللى كنت منزله بوست ضياع ملك بنت اخو جوزك وانتى بعتلي رقمك فاكرانى
تنهدت ليلى وقالت
اوى عايزة ايه ان شاء الله نكرمك البت طلعت ناسيه كل حاجه والرجل اللى قولتى عليه طلع شديد وعرف يأثر عليها واخدها البيت وبيقول مراته ومعه عقد بيقول كده
انصدمت اسماء وضربت على صدرها
انتى بتتكلم بجد ازاى بس وهى اصلا مكملتش اسبوع عندنا من يوم ما جابها وهو راجع من شغله ومنهم يومين كانت تعبانة ومش فى وعيها والباقي خادمة وبتحاول تثبت نفسها يبقي اتجوزها امتى اكيد بيشتغلكم
اتنهدت ليلي وقالت
ويشتغلنى ليه يا حسرة هى عندها ايه اصلا يبصله غير لسان وسمعت كدة بيقول عقد مدنى
ضحكت اسماء وقالت
يقصد اتجوزها عرفي هى من دول اللي بيجيبهم يتجوزها يومين ويرميها