انا غلطانه انى بكلمك انا مخصماك انت ايه يا شيخ قلبك ده مصنوع من حاجه غيرنا يعني انا لو بدالك وانت بعد الشر مش فاكر حاجه كنت هقولك اجمل كلام وحكيت ليك الف قصة حب احنا عشناها وكنت سمعتك موسيقى ثم تركت ايده وقالت
انا جاتلي فكرة ممكن تركن العربيه
انصدم فهد ونظر لها وقال
نعم يا اختى اركن العربيه ليه
ردت ملك اسمع كلامي انت هاتخسر ايه الدكتور قالي اعيش كل حاجه حاسه اني نفسي اعيشها ومادام مش متذكرة ان احنا اتقابلنا
ازاى وحبينا بعض انا اخلق قصه حب دلوقتي
بلييز عشان خاطري
انصدم فهد من جنانها وهو مستغرب هو ليه متمسك بيها لو على إدراة الشركة قدامها يجي ٥ سنين كنت وقتها قابلت واحدة عاقلة عن
دى نفذت المهمة، وسأل نفسه سؤال صريح مهمة ايه اللي انت بتتكلم عنها انت خلقت قصة من خيلك عشان تحتفظ بيها وبدأت تصدقها وممكن فعلا انت كنت عايز تعيش قصة حب زى ما هى بتقول
فاق من شروده على صوتها
هه روحت فين اركن على جنب
نظر لها وقال مش هاركن الا لما تقولي انتى عايزه تعملي ايه بالضبط
ابتسمت ملك وقالت
لا طبعا خليها مفاجأة
…
كان فارس يتذكر يوم الحفلة وكيف حياتهم كانت سعيده وكيف تغير فهد بعدها
وتذكر
عندما جات اسماء إلى المنزل وهى تحلم أن يقع في حبها صاحب العمل ويتزوج خادمته
بدأت تتقرب من فهد يوم الاحتفال وهى تقدم المشروب لكى ينتبه لها ولكن هو كان يضحك مع اصدقائه
لاحظت سيدة من المدعوين حركات اسماء وسألت مامت فهد وقالت
مدام سهير هى مين البنت دى
نظرت سهير على الجهه الذي تشير من خلالها وقالت
ده بنت عم ابراهيم طلبت منه يجيبها عشان تساعده في امور البيت.. مسكينة امها هربت من ابوها وهى طفلة صغيرة بعد ما طلبت الطلاق منه وهو كان سايبها عند اخوه لكن لما كبرت واضح أن اخوه مش مستحملها وطلب كتير ياخدها وعم ابراهيم كان مستحي.