مديحه بخوف وزعر: انتي اتجننتي يابت انتي، ليه عملتي كدا، أختك ذنبها اى
روز بمكر: اسمعيني بس ياعمتي، زياد زمانه عرف اني هربت من البيت ومش هيسيبني وهيدور عليا، وانا كلمت وليد إبنك وطلب منه يساعدني اهرب من البيت وجيت علي هنا
نظرت مديحة لوليد: الكلام دا صحيح يا وليد، انت اللي هربتها من القصر
وليد بحزن : أيوا يا أمي اللي هربتها، انا بحب روز وهي بتحبني وكنت هقولك نروح نخطبها من عمى بس إتفجأت بيها بتقولي إن زياد عايز يتجوزها، مقدرتش يا
أمي
مديحة: أبوكى مش هيسكت وهيقلب الدنيا كلها، وإنتي يا ست روز زياد مش هيسكت على اللي حصل وشوفى بقا هيعمل اي لما يعرف
روز بهدوء : جميلة بتحب زياد يا عمتى
مديحة ووليد بإ ستغراب : اي
روز بوجع: دي الحقيقة ياعمتى، جميلة بتحب زياد من زمان، وحرام عليا لما أشوف أختي بتتعذب وأنا متأكدة إنها بتحبه، أنا مستعدة لأي عقاب من بابا بس أختي تعيش مبسوطة مع زياد