رحيم خبط علي باب اوضة احلام… احلام مسحت دموعها وبصتله ببتسامه: تعالي ي رحيم
رحيم: احممم انا عارف انك زعلانه من الي حصل
احلام دمو.عها نزلت: فعلا انا زعلانه بس زعلانه علي بنتي اكتر.. وزعلانه علي كل الي حصل ليها بسببي والله اعلم
كان هيحصل ليها ايه لو كانت فضلت معايا هناك او الي كان هيحصل لو مكنتش وقفت معاها (ومسحت دمو.عها) وزعلانه علي نفسي اني وثقت وحبيت واحده بالقر.ف. دا
رحيم اتنهد: المهم انك عرفتي وبعد عنكم في الوقت المناسب
احلام: شكرا يبني لولاك كا….
رحيم: انا معملتش حاجه دا واجبي
احلام: بحمد ربنا ان ملك بقت مراتك
رحيم ابتسم لما افتكر ان ملك لو كانت موجوده كانو هتقول بالغ.ضب
احلام ابتسمت: يلا ي حبيبي روح لمراتك اطمن عليها
رحيم حرك راسه بالايجاب ومشي خطوتين
احلام: رحيم ملك طيبه اوي خد بالك منها يبني
رحيم بصلها ببتسامه: متخا.فيش عليها ملك في عيني
احلام ببتسامه:ربنا يخليكوا لبعض
رحيم واستغرب الي قاله… وخرج من الاوضه بسرعه راح لملك لقاها وسطهم مبسوطه وبتضحك فضل واقف باصص ليها والابتسامه من غير ما يحس اترسمت علي وشه
فارس جه من جنبه: احممم يااااه وحشتنا الابتسامه دي يعم
شريف جه جنبه الناحيه التانيه وبص لملك: اممم دي بسبب ملك
فارس: اممم تفتكر اي السبب دا ي شيفو
شريف: والله ي فروسه ي حبيبي هو الحب